Ĉeĥa lingvo

El la retpaĝaro de Ĉeĥa Esperanto-Junularo.

La ĉeĥa lingvo estas lingvo parolata precipe de la gento de ĉeĥoj, kies plejmulto loĝas en la lando Ĉeĥio. Tial ĝi estas ankaŭ la denaska lingvo parolata de plejmulto de la membroj de Ĉeĥa Esperanto-Junularo (ĈEJ). El lingvistika vidpunkto ĝi estas slava lingvo, sufiĉe simila al la slovaka, la pola kaj la soraba. La ĉeĥa kaj slovaka estas eĉ reciproke kompreneblaj kiel dialektoj, do sen la neceso ion ajn lerni.

En la lingvo, simile kiel en esperanto, pli-malpli validas la regulo ke "oni legas tiel, kiel oni skribas", tamen ekzistas multaj specialaj literoj kun diakritikaj markoj, kiujn oni prononcas specialmaniere. Por fremdlingvanoj la ĉeĥa lingvo ne estas multe facila por ellerni, tial la ĉeĥoj ĝenerale ĉiam ege aprezas iun ajn provon de fremdlandano ekuzi la lingvon. Por ke ankaŭ vi povu lerneti la ĉeĥan lingvon, ni pretigis por vi malgrandan vortareton.

Vortareto de la ĉeĥa lingvo

Jen listo de kelkaj vortetoj en la ĉeĥa lingvo kun esperanta traduko kaj elparolo:

  • ahoj [ahoj] = saluton (neformala)
  • dobrý den [dobri: den] = bonan tagon (formala)
  • nashledanou [nasĥledanou] = ĝis la revido
  • jak se máš [jak se ma:ŝ] = kiel vi fartas? (neformala)
  • jak se máte [jak se ma:te] = kiel vi fartas? (formala)
  • nemluvím česky [nemluvi:m ĉeski] = mi ne parolas ĉeĥe
  • děkuji [djekuji] = dankon
  • prosím [prosi:m] = bonvolu / mi petas / nedankinde
  • ano [ano] = jes
  • ne [ne] = ne
  • pivo [pivo] = biero

La ĉeĥa esperantoparolanta eldonejo KAVA-PECH (http://www.kava-pech.cz/) eldonis serion de diverslingvaj manlibroj (http://www.kava-pech.cz/jazykova-prirucka-esperanto.html) de la ĉeĥa lingvo por turistoj, inkluzive de esperantlingva libro de Baza ĉeĥa koversacio (http://www.kava-pech.cz/book-bazae-esperanto.html).

Vidu ankaŭ

Pli multe da informoj pri la ĉeĥa lingvo vi povas legi en la koncerna Vikipedia artikolo (http://eo.wikipedia.org/wiki/%C4%88e%C4%A5a_lingvo).

Personaj iloj